Na administracyjnyja prysudy, vyniesienyja za ŭdzieł u vuličnaj akcyi na Dzień Voli, padadzienyja dzieviać skarhaŭ. Takuju ličbu nazvaŭ staršynia Viarchoŭnaha suda Valancin Sukała. Adnak jon nie paviedamiŭ, kali mienavita hetyja skarhi buduć razhladacca.
Žurnalisty pacikavilisia, čamu sudy vynosili abvinavaŭčyja prysudy navat u tych vypadkach, kali na videazapisach zatrymańnia było vidać, što abvinavačańnie nie paćviardžajecca. Sukała adkazaŭ, što takich videazapisaŭ moža być dastatkova dla žurnalistaŭ, ale sudździa moža mieć dastatkova dokazaŭ, kab pryznać vinu.
Nakont zatrymanych žurnalistaŭ staršynia Viarchoŭnaha suda paviedamiŭ, što ich usich adpuścili da sudoŭ. Heta tyčycca tych, chto maje akredytacyju. Nakont žurnalistaŭ-fryłansieraŭ Sukała zajaviŭ, što terminu «fryłans» u biełaruskim zakanadaŭstvie niama, tamu niama dokazaŭ, što zatrymany pracuje žurnalistam.
