Pra heta dziaržaŭny sakratar Rady Biaśpieki RB Stanisłaŭ Zaś raspavioŭ kp.by.
— Za tydzień da 25 sakavika amal ad usich siłavych orhanaŭ było šmat navinaŭ: zatrymańni pa kryminalnych spravach byłych členaŭ niaisnaj užo arhanizacyi «Bieły lehijon», pa dziaržaŭnych kanałach u navinach pakazvali niejkuju zbroju. Što heta było?
— Što było, vy sami bačyli. Była sproba pravieści niesankcyjanavanaje mierapryjemstva tut u Minsku. Ale nie dapuščanaje. Chacieŭ by źviarnuć uvahu, što ŭsio było vielmi karektna. I nijakich siłavych mier nie ŭžyvałasia.
— Jość źbityja ludzi …
— Dy nie było takoha! Ja pahladzieŭ dziasiatki fotazdymkaŭ, rolikaŭ, u tym liku jakija ŭ internet vykładzienyja. I atrymaŭ infarmacyju ad siłavych struktur. Vy choć adnaho čałavieka bačyli pabitaha, źbitaha?
— Ja bačyła ŭ Zavodskim RUUS, jak pryvozili ludziej z kryvioj na tvary. U padranaj vopratcy.
— Takich nie było. Nivodny milicyjant nie dastaŭ dubinku ŭ chodzie hetaha mierapryjemstva. Heta samaje hałoŭnaje.
— Kolki kaštavała vyvieści techniku i takuju kolkaść siłavikoŭ u rajonie CUMa i Akademii navuk 25 sakavika?
— Ličyć vydatki na kolkaść ludziej, jakija zabiaśpiečvali paradak na vulicy, niapravilna.
— Čamu?
— Hałoŭnaje, kab byli zabiaśpiečany paradak i biaśpieku našaj krainy. Heta kapiejki nasamreč.
Fota Siarhieja Hudzilina
