Biełaruskaja opiernaja śpiavačka Nastaśsia Małaškievič zmahła prajści ŭ nastupny etap 7 siezona ŭkrainskaha šoŭ «Hołos krajini». Dziaŭčyna vykanała pieśniu Džordža Majkła «Jesus to a child»:
Žury pa-roznamu acaniła vystup Nastaśsii. Džamała raskrytykavała ciažkaje vykanańnie pieśni, Alaksiej «Patap» Patapienka padtrymaŭ aryhinalny vybar pieśniaŭ, vyrašalny hołas zrabiła Cina Karal, dziakujučy jakomu Nastaśsia vyjšła ŭ čverćfinał.
U svaim Instahramie Nastaśsia padzialiłasia svaimi ŭražańniami: «Ja ŭdziačnaja za ŭsio, što adbyvajecca sa mnoj zaraz! Cina Karal, ja prosta lublu vas! Dziakuj ad usiaho serca!»
Nastaśsia Małaškievič — biełaruskaja śpiavačka, pracuje ŭ Vialikim teatry opiery i baleta. Dvojčy stanaviłasia finalistkaj nacyjanalnaha adboru na «Jeŭrabačańnie» ad Biełarusi — u 2015-m i 2016-m hadach.
