Były hubiernatar Tulskaj vobłaści Uładzimir Hruździeŭ «vyrašyŭ zrabić pryjemny padarunak svajoj žoncy Volzie i kupiŭ viłu mary» na Sardzinii, piša italjanskaja La Stampa.
Fota Alaksieja Marozava dla Forbes
Bolš za toje, praciahvaje hazieta, jon navat zadumvaŭsia pra toje, kab pieravieści tudy ŭsiu siamju, kab skarystacca ŭviadzieńniem uładami Italii fiksavanaj staŭki padatku dla zamiežnikaŭ u €100 000. «Kali Miłan sprabuje vykarystać Brexit i stać novym finansavym centram, to Rym, Taskana i Sardzinija spadziajucca prosta stać miescam pryciahnieńnia dla biznesmienaŭ z usiaho śvietu», — piša La Stampa.
Viła raźmieščana pobač ź plažam Ramazina, adnym z samych pryhožych miescaŭ na ŭźbiarežžy Kosta Śmieralda. U hetym miescy pražyvajuć mahnaty, finansisty, palityki i zorki. «Hruździeŭ, viadoma, nie moh vybrać druhi hatunak», — havorycca ŭ publikacyi.
Raniejšy ŭładalnik majontka — 77-hadovy niemiec-miljarder pa imi Robiert Tea Klej. Suma ŭhody — $ 24,7 młn, ahulnaja płošča viły — 413 kv.m. Dvuchpaviarchovy budynak uklučaje ŭ siabie trynaccać pakojaŭ, na terytoryi viły taksama raźmieščany sad, nievialiki park z vaśmikutnym amfiteatram.
U saviecki čas Hruździeŭ słužyŭ u Słužbie źniešniaj raźviedki, adnak paśla razvału SSSR pačaŭ zajmacca biznesam i ŭ 1993 hodzie stvaryŭ HK «Siomy kantynient». U 2007 hodzie jon pradaŭ svaju dolu ŭ sietcy partnioru Alaksandru Zanadvoravu. Biznesmien taksama niekali kantralavaŭ bujny pakiet akcyj kramaŭ «Prastor», paśla pradadzieny Juryju Čyžu. Tady ž jon atrymaŭ mahčymaść pabudavacca ŭ Drazdach. Domam dahetul vałodaje jahonaja maci Neli.
Siadziba Hruździevych u Drazdach.
Palitykaj Hruździeŭ pačaŭ zajmacca ŭ 2001 hodzie, u 2007 hodzie jon byŭ abrany ŭ Dziarždumu, a ŭ 2011 hodzie — pryznačany hubiernataram Tulskaj vobłaści. Jon pakinuŭ hety post u 2016 hoda pa ŭłasnym žadańni. Forbes aceńvaje jaho bahaćcie ŭ $ 550 młn.
