Siaredni zarobak biełarusaŭ u lutym upaŭ da 716,5 rubla. Pry hetym zarobkami vyšej za 400 dalaraŭ mahli pachvalicca tolki žychary troch rajonaŭ — Salihorskaha, Minskaha i Dziaržynskaha, a taksama Minska, Žodzina i Navapołacka. Finance.tut.by pahladzieŭ, jak zarobki biełarusaŭ vyhladajuć na fonie zarobkaŭ susiedziaŭ.
Fota Iryny Arachoŭskaj
U Rasii ŭ lutym u siarednim atrymlivali 1,2 tysiačy rubloŭ (sumy pieraviedzienyja ŭ biełaruskija rubli pa kursie Nacbanka na 3 krasavika hetaha hoda). Za hod pałučki rasiejcaŭ vyraśli na 6%.
Siarednija lutaŭskija zarpłaty ŭkraincaŭ skłali 430 rubloŭ. Bolš za ŭsio atrymlivajuć žychary Kijeva (681 rubiel), a mienš za ŭsio - Ternopalskaj vobłaści (332 rubla). Lidzirujuć pa ŭzroŭni zarobkaŭ pracaŭniki avijacyjnaj haliny - 1819 rubloŭ. Mienš za ŭsio atrymlivajuć rabotniki pošty i kurjery - 233 rubla.
U Kazachstanie - našaha «susieda» pa Mytnym sajuzie - u lutym atrymlivali ŭ siarednim 820 rubloŭ.
U Polščy siarednija lutaŭskija zarobki byli na ŭzroŭni 2038 rubloŭ.
U Łatvii siaredniaja miesiačnaja zarpłata-bruta (heta značyć da vyliku padatkaŭ) składaje kala 1720 rubloŭ, u Estonii - 2290 rubloŭ. Litoŭcy atrymlivajuć kala 1650 rubloŭ.
