Artykuł, jaki ŭstanaŭlivaje adkaznaść za parušeńnie ŭstalavanaha paradku ažyćciaŭleńnia ekskursijnaha absłuhoŭvańnia, moža źjavicca ŭ Kodeksie ab administracyjnych pravaparušeńniach. Pra heta paviedamiŭ siońnia žurnalistam ministr sportu i turyzmu Alaksandr Šamko ŭ pres-centry BIEŁTA.
Kali dadzieny artykuł źjavicca ŭ KaAP, za parušeńnie paradku praviadzieńnia ekskursij nielehalnamu ekskursavodu moža być vyniesiena papiaredžańnie abo pahražać štraf pamieram ad 5 da 20 bazavych vieličyń [siońnia pamier bazavaj składaje 23 rubli — NN].
«Siońnia ŭ nas u raspracoŭcy kala 5 zakanadaŭčych inicyjatyŭ. Heta ŭ tym liku źmieny ŭ KaAP u častcy štrafnych sankcyj i inšaha. Dumaju, prapanavanyja novaŭviadzieńni pavinny dyscyplinavać arhanizataraŭ turaŭ», — adznačyŭ Alaksandr Šamko.
