Prezident Rasii Uładzimir Pucin zajaviŭ, što razhladajucca ŭsie viersii taho, što adbyłosia ŭ mietro Sankt-Pieciarburha. Jon udakładniŭ, što havorka idzie nie tolki pra teraryzm, ale i bytavuju i kryminalnuju viersii, paviedamlaje RIAN.
«Pravaachoŭnyja orhany i śpiecyjalnyja słužby pracujuć, zrobiać usio dla taho, kab vyjavić pryčyny taho, što zdaryłasia, dać poŭnuju acenku taho, što adbyłosia», — adznačyŭ kiraŭnik dziaržavy.
«Ja ŭžo razmaŭlaŭ z kiraŭnikami śpiecyjalnych słužbaŭ, z dyrektaram FSB», — zajaviŭ Pucin.
Pa słovach Pucina, haradskija ŭłady, a kali spatrebicca, i fiederalnyja, prymuć usie nieabchodnyja miery dla taho, kab akazać padtrymku siemjam zahinułych i paciarpiełym. Jon taksama vykazaŭ im spačuvańni.
Pucin znachodzicca ŭ Pieciarburhu z rabočaj pajezdkaj. Ciapier jon pravodzić sustreču z Alaksandram Łukašenkam u Kanstancinaŭskim pałacy ŭ Strelnie.
