Šef-redaktar haziety «Svabodnyja naviny plus» Alaksandr Ulicionak apublikavaŭ u svaim fejsbuku fota vielizarnaj čarhi na pašpartny kantrol u aeraporcie. Razam ź inšymi pasažyrami ŭ joj staić kiraŭnik Rymska-katalickaha kaścioła ŭ Biełarusi Tadevuš Kandrusievič.
«Mitrapalit Tadevuš Kandrusievič — heta jašče i niejmaviernaja ścipłaść. Voś scena ŭ aeraporcie: hadzinnaja čarha da pašpartnaha kantrolu, jon razam z nami, takimi roznahrešnymi i prostymi. A moh jak minimum lacieć biznes-kłasam, skarystacca VIP-«ščylinaj». Ale nie! Ja bačyŭ: dla 71-hadovaha kiraŭnika Rymska-katalickaha kaścioła ŭ Biełarusi taki styl absalutna naturalny. Pa-chryścijansku ŭsio byccam i pravilna, ale nijak nie mahu ŭjavić, kab niechta inšy, jamu padobny, taksama apynuŭsia ŭ chvaście «boinha», zatym u hetaj zadušlivaj čarzie… Zrešty, Boh im, inšym, sudździa, ale ja, pravasłaŭny, prosta zachaplajusia arcybiskupam Tadevušam Kandrusievičam… Dziakuj Vam za doŭhuju maŭklivuju propaviedź! Biazhučnaja, mnohim jana ŭsio ž dapamahła spaścihnuć jašče adnu hrań byccam zusim prostaj zapaviedzi — być adzinymi…» — tak prakamientavaŭ fota Alaksandr Ulicionak.
