Nacyjanalny antyterarystyčny kamitet RF aficyjna paćvierdziŭ, što na stancyi pieciarburhskaha mietro «Płošča Paŭstańnia» znajšli jašče adnu bombu. Pavodle danych kamiteta, jana ŭžo abiasškodžanaja, paviedamlaje VVS.
Pavodle danych NAK, vybuchovaja pryłada była samarobnaj. Jaje mahutnaść i typ viedamstva nie ŭdakładniaje.
Pra znachodžańnie padazronaj sumki na «Płoščy Paŭstańnia» miascovyja ŚMI paviedamili jašče da taho, jak adbyŭsia vybuch na pierahonie pamiž dźviuma inšymi stancyjami pieciarburhskaha mietro — «Siannoj płoščaj» i «Technałahičnym instytutam».
