Dvoje hramadzian Biełarusi, mašynisty hruzavoha ciahnika, byli aryštavanyja ŭ Litvie ŭ suviazi z padazreńniem u kantrabandzie bujnoj partyi cyharet, paviedamiła Słužba achovy dziaržaŭnaj miažy Litvy.
pasienis.lt
10 500 pačkaŭ cyharet byli znojdzienyja pamiežnikami ŭ mašynnym adździaleńni łakamatyva, jaki jechaŭ ź Biełarusi.
«Abodva mašynisty łakamatyva — hramadzianie Biełarusi — byli zatrymanyja. Paźniej sud pastanaviŭ aryštavać ich na miesiac», — skazali ŭ pres-słužbie SADM. Zatrymanyja — mužčyny 31 i 41 hadoŭ, u dačynieńni da ich pravodzicca papiaredniaje śledstva.
Pa infarmacyi litoŭskich pamiežnikaŭ, košt kantrabandnaha hruzu składaje kala 30 tysiač jeŭra.
