Biełaruś i Rasija damovilisia pra sumiesnyja dziejańni ŭ śfiery zabieśpiačeńnia biaśpieki. Pra heta zajaviŭ Alaksandr Łukašenka pa vynikach sustrečy z prezidentam Rasii Uładzimiram Pucinym, pieradaje BIEŁTA.
«Vy bačycie, što adbyvajecca vakoł. I my chacieli b prosta zachavać stabilnaść u Rasii i Biełarusi. Užo zanadta mała zastałosia ŭ hetym śviecie cichich, spakojnych kropak. I my damovilisia ab sumiesnych dziejańniach pa zachavańni biaśpieki ŭ našych dziaržavach», — zajaviŭ Łukašenka.
«My vielmi šmat kazali ab biaśpiecy. I nie tolki ŭ suviazi z hetym niaščasnym vypadkam (vybuch u mietro Sankt-Pieciarburha), — skazaŭ jon. — Heta było asnoŭnaje pytańnie. Nie naftahazavymi pytańniami my pačali abmierkavańnie. My sapraŭdy asnoŭnuju ŭvahu nadali daŭno zapłanavanamu pytańniu biaśpieki našych dziaržaŭ».
