U biełaruska-rasijskich adnosinach nie zastałosia sprečnych pytańniaŭ. Pra heta zajaviŭ Uładzimir Pucin pa vynikach sustrečy z Alaksandram Łukašenkam, pieradaje BIEŁTA.
«Na siońniašni dzień sprečnych pytańniaŭ nie zastałosia. My budziem ruchacca dalej, budziem umacoŭvać sajuźnickija adnosiny ŭ ramkach Sajuznaj dziaržavy i pracavać nad umacavańniem narmatyŭna-pravavoj bazy i nad raźvićciom Jeŭrazijskaha ekanamičnaha sajuza», — zajaviŭ Pucin.
Jon paviedamiŭ, što baki znajšli padychody da ŭrehulavańnia naftahazavych pytańniaŭ. Dastatkova šmat času na pieramovach było nadadziena ŭzajemaadnosinam u śfiery finansaŭ i ŭ kankretnych halinach ekanomiki, u tym liku ŭ vysokatechnałahičnych śfierach. Havorka, u pryvatnaści, idzie ab mahčymym pašyreńni sumiesnaj pracy ŭ śfiery kosmasu.
U svaju čarhu Alaksandr Łukašenka padziakavaŭ rasijskamu lidaru za toje, što, niahledziačy na padziei, jakija adbylisia, baki znajšli mahčymaść sieści za stoł pieramoŭ. «Niahledziačy na hetuju prablemu, vy zmahli pravieści pieramovy. I, jak vy tolki što skazali, u nas nie zastałosia niavyrašanych pytańniaŭ. Viadoma, drenna, što prezidentam davodzicca ŭmiešvacca ŭ tyja ci inšyja prablemy nie našaha ŭzroŭniu. Ale što zrobiš, takaja praktyka», — skazaŭ kiraŭnik biełaruskaj dziaržavy.
«Na siońniašni dzień u nas nie zastałosia niavyrašanych pytańniaŭ. Bolš za toje, my zmahli zazirnuć u budučyniu funkcyjanavańnia našych ekanomik. My vyrašyli hetyja pytańni. Dumaju, što na praciahu dziesiaci dzion našy ŭrady heta ŭsio farmalizujuć i ŭviaduć našy ekanomiki ŭ narmalny rytm pracy», — dadaŭ Alaksandr Łukašenka.
