Rasija adnović pastaŭki nafty ŭ Biełaruś u raniejšym abjomie, paviedamiŭ žurnalistam vice-premjer Rasii Arkadź Dvarkovič, piša BIEŁTA.
«Buduć adkarektavanyja niekatoryja mižuradavyja dakumienty, jakija tyčacca ŭzajemaadnosin u śfiery hazu i nafty. Paśla ich parafiravańnia biełaruski bok viernie niedapłočanuju sumu «Hazpromu», heta značyć AAT «Hazprom transhaz Biełaruś» — «dačcy» «Hazproma», i my adnovim pastaŭki nafty ŭ abjomie 24 młn t», — skazaŭ Dvarkovič.
Jon dadaŭ, što «Hazprom» pradastavić biełaruskamu boku źnižki z panižalnym kaeficyjentam da formuły raźliku koštu za pieryjad z 2018 pa 2019 hod. Adnosiny krain paśla hetaha pieryjadu, pa słovach Arkadzia Dvarkoviča, buduć zaležać ad dalejšych pieramoŭ.
Vice-premjer taksama zajaviŭ, što pastaŭki nafty mohuć pačacca ŭžo ŭ krasaviku.
«Pastaŭki nafty pačnucca ŭ maksimalna karotkija terminy, moža być, heta ŭžo i ŭ krasaviku adbudziecca, u zaležnaści ad techničnych mahčymaściaŭ kampanij pamianiać hrafiki pastavak», — skazaŭ Arkadź Dvarkovič.
