Kamień ružovaj ahranki Pink Star («Ružovaja zorka») pastaviŭ rekord na tarhach aŭkcyjonu Sotheby's i staŭ pieršym pa košcie dyjamientam u śviecie. Jon staŭ samym darahim dyjamientam (i najbolš kaštoŭnym juvielirnym łotam naohuł), pabiŭšy rekord bujnoha błakitnaha dyjamienta «Siń Opienhiejmiera», u mai minułaha hoda pradadzienaha na tarhach Shristie's za 57,6 miljona dalaraŭ, piša RBK.

Foto AP Photo/Kirsty Wigglesworth

AR

Pink Star vahoj 59,6 karata źjaŭlajecca samym bujnym u śviecie dyjamientam u katehoryi biezdakorna čystych, fantazijnych ružovych dyjamientaŭ naturalnaj afarboŭki i avalnaj formy. Takuju charaktarystyku kamieniu dali ekśpierty Hiemałahičnaha instytuta Amieryki (GIA). Ułasna kažučy, «Ružovaja zorka» stała samym bujnym biezdakornym ružovym dyjamientam, jaki kali-niebudź prachodziŭ jaho acenku.

Jon bolš čym u dva razy pieraŭzychodzić pa vazie inšy znakamity bryljant Graff Pink (24,78 karata), jaki až da siońniašniaha dnia ličyŭsia samym darahim ružovym dyjamientam — na aŭkcyjonie Sotheby's u Ženievie 2010 hoda jon byŭ pradadzieny za 46,2 miljona dalaraŭ.

Intryha apošnich tarhoŭ u Hankonhu była ŭ tym, što Pink Star užo adnojčy źjaŭlaŭsia na aŭkcyjonie — u listapadzie 2010 hoda kamień syšoŭ z małatka za rekordnyja 83,19 miljona dalaraŭ. Adnak paźniej vyśvietliłasia, što pakupnik, amierykanski juvielir Isaak Vułf, nie maje mahčymaści raspłacicca za nabyty łot. U vyniku kamień byŭ viernuty ŭ aŭkcyjonny dom Sotheby's.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?