Ułady ukrainskaj stalicy zabaranili bialić vapnaj drevy i bardziury, jak heta rabili ad savieckich časoŭ da niadaŭniaha času.
Pra heta paviedamiŭ dyrektar Departamienta haradskoha dobraŭparadkavańnia KHHA Andrej Fiščuk u fejsbuku, piša UP.
«Z hetaha hoda Zielanbud pierastaŭ bialić vapnaj drevy ŭ horadzie. Kali ŭbačycie, što niechta pa savieckaj zvyčcy sprabuje zabrudžvać vapnaj dekaratyŭnyja drevy, inšyja elemienty dobraŭparadkavańnia, źviartajciesia da vykanaŭcaŭ z patrabavańniem nieadkładna spynić parušeńnie», — napisaŭ Fiščuk.
Jon dadaŭ, što bialić metazhodna tolki fruktovyja drevy.
«Ašukanstva i pakazucha ŭ časy SSSR byli vyviedzienyja ŭ absalut. Viasnovaje bialeńnie ŭsiaho navokał niejak upryhožvała ahulnuju šeraść i ŭbohaść saŭka», — napisaŭ Fiščuk.
Karystalniki sacsietki adznačyli, što bialić drevy praciahvajuć, i nazvali niekalki adrasoŭ, na što Fiščuk adkazaŭ, što, na žal, za adzin hod savieckija zvyčki vykaranić niemahčyma.
