Incydent zdaryŭsia ŭviečary 7 krasavika kala 19.30. Patrul darožnych inśpiektaraŭ, jaki dziažuryŭ na vulicy Jakuba Kołasa, zaŭvažyŭ matacykł «Kavasaki» biez rehistracyjnaha znaku. Pa patrabavańnie spynicca matacyklist nie zreahavaŭ, tamu DAI pačało pieraśled.
Uciakač tolki paskoryŭsia, ale napieradzie na darozie byŭ zator. Jon raźviarnuŭsia, vyjechaŭ na tramvajnyja šlachi i nie spraviŭsia z kiravańniem. Matacykł vyniesła na raździalalnuju aharodžu. Parušalnika zatrymali i skłali na jaho adrazu 5 administratyŭnych pratakołaŭ.
Jak paviedamlaje BiełTA sa spasyłkaj na DAI Savieckaha rajona Minska, heta małady čałaviek 1993 hoda naradžeńnia. Svaje pavodziny jon patłumačyŭ tym, što spałochaŭsia inśpiektaraŭ, bo nie maje adpaviednaj katehoryi dla kiravańnia.
Ad 2011 hoda jon ažno 32 razy pryciahvaŭsia da administratyŭnaj adkaznaści pa linii DAI.
