Śpiektakl pa pjesie biełaruskaha dramaturha Siarhieja Hirhiela «13-y huzik Napaleona» sabraŭ anšłah u Paryžy, paviedamlaje aficyjny sajt pasolstva Biełarusi ŭ Francyi.
Kala 350 prychilnikaŭ teatralnaha mastactva nazirali za pastanoŭkaj u zale «Rasini», pradstaŭlenaj 6 krasavika. Hledačy ciopła pryniali śpiektakl u pastanoŭcy minskaha prajekta «TryTfarmaT».
Na śpiektakli prysutničali kiraŭniki i pradstaŭniki zamiežnych dypmisij, MZS Francyi, francuzskich dziełavych i hramadskich kołaŭ, biełaruskaj dyjaspary.
Pasoł Biełarusi ŭ Francyi Pavieł Łatuška vykazaŭ słovy padziaki biełaruskim artystam za vysoki ŭzrovień teatralnaha majsterstva, u čarhovy raz pradstaŭleny na paryžskich scenach.
— Heta praciah biełaruskich Teatralny siezonaŭ u Francyi, heta praciah našaha histaryčnaha supracoŭnictva, jakoje ŭ teatralnym mastactvie pačałosia jašče z časoŭ Radziviłaŭ u ChVIII stahodździ, — adznačyŭ pasoł u efiry telekanała STV.
