Abvał dvuchpaviarchovaha žyłoha doma adbyŭsia ŭ horadzie Śviebadzice na paŭdniovym zachadzie Polščy. Dahetul viadoma ab troch zahinułych.
Jak miarkujecca, pryčynaj abvału byŭ vybuch bytavoha hazu. Abvaliłasia kala 80% budynka davajennaj pabudovy.
Z-pad zavałaŭ dastali siem čałaviek, troje ź ich zahinuli, čaćviora paciarpiełych adpraŭlenyja ŭ špitali. Jak paviedamlaje polskaja televizija, dvoje zahinułych — małyja dzieci, a treci — mužčyna siaredniaha vieku.
Paśla abvału try čałavieki zdoleli samastojna vybracca z-pad zavałaŭ. Praciahvajecca pošuk tych, chto zastajecca pad zavałami — jak miarkujecca, heta čatyry čałavieki. Jak paviedamiŭ na bryfinhu kiraŭnik Nižniesilezskaha vajavodztva Pavał Hreniak, razbor zavałaŭ moža praciahnucca jašče kala sutak.
Na miescy zdareńnia pracujuć kala 140 ratavalnikaŭ, ułučna z specyjalizavanymi pošukavymi hrupami z abstalavańniem i navučanymi dla pošuku ludziej sabakami. Dla akazańnia dapamohi paciarpiełym nakiravana niekalki bryhad chutkaj dapamohi i piać vyratavalnych viertalotaŭ.
