Rasieja nie zmahła praduchilić chimičnuju ataku ŭ Siryi, jakaja zabrała žyćci 89 čałaviek na minułym tydni, vykazaŭ mierkavańnie dziaržsakratar ZŠA Reks Tylersan.
Jak skazaŭ Tylersan u efiry amierykanskaha telekanała Si-bi-es, Rasija ŭ svoj čas uziała na siabie adkaznaść kantralavać praces źniščeńnia zapasaŭ chimzbroi ŭ Siryi i harantavać poŭnuju zabaronu jaho vytvorčaści. Tamu, na dumku dziaržsakratara ZŠA, vina za toje, što ŭ Siryi znoŭ była ŭžyta chimičnaja zbroja, lažyć mienavita na Rasii.
Sa słoŭ Tylersana, nie tak važna, «ci była Rasija saŭdzielnikam, ci jaje śpiecyjalisty apynulisia niekampietentnymi, ci ž siryjski ŭrad ich pierachitryŭ» - u lubym vypadku, rasijski bok «nie vykanaŭ svaje abaviazacielstvy pierad mižnarodnaj supolnaściu».
