Členy rasijskaha motakłuba «Načnyja vaŭki» znoŭ prajeduć motaprabieham «Darohi Pieramohi — na Bierlin», paviedamlajecca na aficyjnym sajcie arhanizacyi.
Akcyja startuje 27 krasavika ź mižnarodnaha bajk-centra ŭ Nižnich Mnieŭnikach. Bajkiery prajeduć pa maršrucie: Maskva, Smalensk, Minsk, Brest, Varšava, Urocłaŭ, Budapiešt, Bracisłava, Praha, Drezden, Bierlin.
Pa zapeŭnieńni arhanizataraŭ, da motamaršu dałučacca jeŭrapiejcy i pradstaŭniki roznych rehijonaŭ Rasii, u tym liku Čačni.
Ciapierašni motaprabieh stanie trecim pa liku. Raniej akcyi supravadžalisia skandałam na biełaruska-polskaj miažy, kali polskija pamiežniki admaŭlalisia prapuskać u Polšču asnoŭnuju hrupu členaŭ motakłuba. Tym nie mienš adzinkavym bajkieram ŭsio ž atrymałasia pierasiekčy miažu i dabracca da Bierlina.
