Brytanski kalekcyjanier Nik Mid znajšoŭ u paliŭnym baku tanka T-54 savieckaj vytvorčaści, jaki jon nabyŭ na internet-aŭkcyjonie, piać załatych źlitkaŭ. Košt źlitkaŭ, vahoj piać kiłahramaŭ kožny, składaje dva miljony funtaŭ sterlinhaŭ (kala 2,5 miljona dalaraŭ).
T-54, jaki naležaŭ uzbrojenym siłam Iraka, Mid nabyŭ na eBay za 30 tysiač funtaŭ sterlinhaŭ (kala 37 tysiač dalaraŭ ZŠA).
Pa słovach Mida, jon padazravaŭ, što ŭ paliŭnym baku tanka mohuć znachodzicca staronnija pradmiety, jak miarkujecca, zbroja. U suviazi z hetym, praces adkryvańnia baka zdymaŭsia na videa, kab paźbiehnuć mahčymych prablem z zakonam.
Mid miarkuje, što załatyja źlitki ŭ paliŭny bak tanka schavali irakskija vajskoŭcy, padčas ŭvarvańnia vojskaŭ Sadama Chusejna ŭ Kuviejt u 1990 hodzie.
Źlitki ŭ kalekcyjaniera kanfiskavała palicyja dla pravierki, vydaŭšy jamu raśpisku. Ci atrymaje jon ich nazad, pakul nieviadoma, — pravy na zołata mohuć zajavić ułady Kuviejta.
«Zabiaruć źlitki, ci nie, u lubym vypadku moj cudoŭny tank zastaniecca ŭ mianie», — skazaŭ Mid.