Uviečary 7 krasavika dzieci hulalisia z bałonikam, jaki starejšaja dačka pryniesła sa škoły. Ale hulni skončylisia trahična.
11-hadovaja dziaŭčynka sprabavała jaho nadźmuć, ale nie zmahła.
Tady siaredniaje dzicia, čatyrochhadovaja dziaŭčyna paniesła bałonik u vanny pakoj i stała nalivać u jaho vadu. Heta ŭbačyła mama dziaciej. Jana zabrała bałonik, vyliła ź jaho vadu, i ŭ hety momant jaho vychapiŭ dvuchhadovy chłopčyk, raspavioŭ partału gomel.today staršy pamočnik prakurora Homiela Uładzimir Takareŭski.
Chłopčyk pabieh u pakoj i staŭ skakać na łožku. Kali mama zajšła, jon na ŭdychu prahłynuŭ bałonik. Žančyna sprabavała samastojna akazać dapamohu synu, vyzvalić dychalnyja šlachi, u toj čas jak starejšaja dačka vyklikała chutkuju. Bryhada miedykaŭ taksama sprabavała vyratavać chłopčyka, adnak biespaśpiachova. Dzicia pamierła u karecie chutkaj dapamohi.
