Hałoŭnaja zadača viernikaŭ na Vialikdzień — naviedać chram. Farbavać jajki i myć dom — heta druharadnyja spravy. Pra heta Mitrapalit Minski i Zasłaŭski, Patryjaršy Ekzarch usioj Biełarusi Pavieł raspavioŭ na pieradvielikodnaj sustrečy z žurnalistami, kamientujučy pytańnie ab tradycyjach biełarusaŭ na Vialikdzień.
— U chramach śviatary tłumačać, jak treba rychtavacca (da Vialikadnia). Ale ŭ chramach nie tak šmat ludziej słuchaje. A dyktar pa telebačańni skaža: «Ciapier nadychodzić čysty čaćvier, treba rychtavać žyllo, dom pamyć». Kažuć, što hałoŭnaje — jajki vielikodnyja pafarbavać. Heta nabožnyja tradycyi, ale heta ŭsio druhasnaje. Hałoŭnaja zadača — sustrecca z Chrystom. Naviedvańnie chrama — heta pieršaradnaja zadača.
Što da sumiesnych liturhičnych mierapryjemstvaŭ pravasłaŭnaj i katalickaj carkvy (u hetym hodzie Vialikdzień supadaje), to ich nie płanujecca, zajaviŭ Mitrapalit.
— My razam słužyć nie možam, malicca nie možam. Choć zusim niadaŭna prahučała dumka: davajcie my razam źbiaremsia i budziem razam malicca pra mir. Ale ja staŭlusia da hetaha skieptyčna, bo my (i pravasłaŭnyja, i kataliki) kožny dzień molimsia pra mir — i ranicaj, i ŭviečary
