Pieršaha, jakoha siamja Hleba nazyvała spanielem za mocnaje padabienstva da hetaj parody, uziaŭ staršynia Moładzi BNF Jury Łukaševič dla svaich baćkoŭ, što žyvuć u Barysavie.
«Jury navat abviaściŭ praz svoj fejsbuk vybary imia. Mianie najbolš pazabaviŭ varyjant «Beneefaviec», ale nie viedaju, na čym jany tam spynilisia, — kaža Hleb. — Jašče adzin čałaviek zabraŭ dla baćkoŭ u Ivianiec ščaniuka №4, jakoha my nazyvali Pandaj za admietny vyhlad. Viadomaja mastačka Vola Kuźmič upadabała ščaniuka №3 — dniami jon pajedzie da baćkoŭ Voli na Łuninieččynu.
Čornaja Panna šukaje novy dom.
U mianie zastałasia dziaŭčynka, jakuju my nazyvajem Čornaja Panna. Jaje mamu zavuć Basia — u honar Barbary Radzivił — adsiul i Čornaja Panna. Choć pavodle siamiejnaj lehiendy, Čornaj Pannaj źjaŭlajecca zusim nie Barbara, a mama Rybańki Kaciaryna Radzivił».
Kali vy chočacie stać Čornaj Pańnie haspadarom, pišycie Hlebu ŭ fejsbuku albo pakidajcie svoj numar u kamientarach — pieradamo.
