Kiraŭnik Nacyjanalnaha banka Ukrainy (NBU) Valeryja Hontarava sychodzić sa svajoj pasady, paviedamlaje VVS.
«Ja padała prezidentu Ukrainy aficyjnuju zajavu ab adstaŭcy pa ŭłasnym žadańni z 10 maja hetaha hoda, i tamu paviedamlajem vam za miesiac… Viadoma, kali Viarchoŭnaja Rada prahałasuje za majo rašeńnie raniej za hety čas, to ja pajdu z hetaj pasady raniej», — zajaviła jana.
Pa słovach kiraŭnika viedamstva, źmianieńniaŭ u składzie praŭleńnia i palitycy NBU nie pradbačycca.
Hontarava padkreśliła, što ŭpieršyniu adstaŭka kiraŭnika Nacbanka Ukrainy nie stanie palityčnym rašeńniem, i vykazała nadzieju, što pierajemnikam stanie «palityčna niezaležnaja fihura».
Čutki ab adstaŭcy kiraŭnika NBU chadzili apošnija tydni, ale ŭ Nacbanku ich aficyjna nie paćviardžali.
Pa kanstytucyi Ukrainy, kiraŭnik NBU pryznačajecca Viarchoŭnaj Radaj pa pradstaŭleńni prezidenta Ukrainy terminam na siem hadoŭ. Hontarava ŭznačaliła Nacbank u červieni 2014 hoda, staŭšy pieršaj žančynaj na hetaj pasadzie.
