Kienijski miljanier Naŭšad Mierali maje namier kupić «Ahrafirmu «Faličy» ŭ «Bielinviestbanka». Adpaviedny miemarandum ab namierach padpisali bank i hrupa kampanij «Samir», paviedamlaje Tut.by.
Na minułym tydni Mierali naviedaŭ Biełaruś i pravioŭ šerah sustreč va ŭradzie i biełaruskich dziaržorhanach. Akramia taho, pa inicyjatyvie Nacbanka staršynia najbujniejšaj kienijskaj hrupy kampanij «Samir» naviedaŭ «Ahrafirmu «Faličy», 99,998% akcyj jakoj naležać «Bielinviestbanku». U vyniku pamiž bakami byŭ padpisany miemarandum ab namierach.
«Umovami miemaranduma praduhledžanaja paetapnaja praca pa mahčymaści nabyćcia hrupaj kampanij «Samir» akcyj, jakija naležać AAT «Bielinviestbank», a taksama dakumient vyznačaje namier inviestara ažyćciavić dadatkovyja inviestycyi na dalejšaje raźvićcio sielskahaspadarčaha pradpryjemstva AAT «Ahrafirma «Faličy», skazana ŭ paviedamleńni pres-słužby banka.
«Faličy» raźmieščanyja ŭ Staradarožskim rajonie Minskaj vobłaści. Stratny kałhas dastaŭsia «Bielinviestbanku» ŭ 2004 hodzie ŭ ramkach ukaza prezidenta pa finansavym azdaraŭleńni sielskahaspadarčych arhanizacyj. Pradpryjemstva śpiecyjalizujecca na vytvorčaści miasa-małočnaj pradukcyi. U 2015 hodzie ahrafirma zrabiła 2,5 tys. t zbožžavych i zierniebabovych kultur, vałavy nadoj małaka skłaŭ 5,7 tys. t małaka, vyrablena 471,5 t pradukcyi bujnoj rahataj žyvioły, 202,2 t pradukcyi śvinahadoŭli.
Kolkaść pahałoŭja bujnoj rahataj žyvioły pieravysiła 3 tys. hałoŭ, śviniej — 2, 1 tys. hałoŭ. Vyručka ad realizacyi pradukcyi za pieršaje paŭhodździe 2016 hoda skłała 2,1 młn rubloŭ, prybytak ad biahučaj dziejnaści — 0,2 młn rubloŭ. Ahulnaja ziamielnaja płošča haspadarki składaje 3212 ha, u tym liku: płošča sielhasuhodździaŭ — 3015 ha, ź ich płošča ralli — 1821 ha; płošča sienakosaŭ — 668 ha; płošča pašy — 511 ha.
Naŭšad Mierali źjaŭlajecca zasnavalnikam Sameer Group, jakaja ŭjaŭlaje ź siabie kanhłamierat z 15 kampanij, što aktyŭna pracujuć u šyrokim śpiektry halin pa ŭsioj Uschodniaj Afrycy na praciahu apošnich troch dziesiacihodździaŭ. Asnoŭnymi śfierami intaresaŭ Mierali ŭ Biełarusi źjaŭlajucca: aŭtatraktarnaja technika, šyny, ahrabiznes, budaŭnictva.
Hadavy abarot «Samir hrup» składaje bolš za 1 młrd dalaraŭ, kolkaść rabotnikaŭ — 24 tys. čałaviek. Pavodle danych časopisa «Forbs», Mierali ŭvachodzić u lik 50 samych bahatych biznesmienaŭ Afryki. Jaho majomaść ŭ 2015 hodzie aceńvałasia ŭ 440 młn dalaraŭ.
Tavaraabarot pamiž Biełaruśsiu i Kienijaj ŭ 2016 hodzie skłaŭ kala 18 młn dalaraŭ. Pavodle słoŭ premjer-ministra Andreja Kabiakova, «heta vielmi mała, i my ličym, što ŭ bližejšy čas jon moža być šmatkroć pavialičany». Urad Biełarusi ŭ kursie pryniatych Kienijaj ambicyjnych prahram pa raźvićci sielskaj haspadarki, zabieśpiačeńni charčovaj biaśpieki, raźvićci darožna-transpartnaj i enierhietyčnaj infrastruktury, ukaranieńni enierhaźbierahalnych technałohij i palapšeńni ekałohii. Dla realizacyi hetych prajektaŭ Biełaruś hatovaja prapanavać pieradavyja technałohii, abstalavańnie, pasłuhi.
