Deputat Dziarždumy RF Vital Miłonaŭ unios u parłamient zakonaprajekt, jaki zabaraniaje rehistravacca ŭ sacyjalnych sietkach dzieciam da 14 hadoŭ. Dakumient nosić nazvu «Ab pravavym rehulavańni dziejnaści sacyjalnych sietak», paviedamlaje VVS.

Jak havorycca ŭ prajekcie zakona, dzieci da 14 hadoŭ nie zmohuć karystacca sacsietkami, pryčym heta nie budzie zaležać ad ich hramadzianstva. Pry rehistracyi na takich sajtach nieabchodna budzie pradjaŭlać pašpart, jaki dazvolić vyznačyć uzrost karystalnika.

Miłonaŭ taksama prapanuje zabaranić rehistravacca ŭ sacyjalnych sietkach pad vydumanymi imionami, a taksama raspaŭsiudžvać skrynšoty z asabistaj pierapiski biez dazvołu jaje ŭdzielnikaŭ. Akramia taho, u vypadku pryniaćcia zakona karystalniki nie zmohuć vykładvać fatahrafii abo videa, na jakich jość inšyja asoby, bieź ich zhody.

Dakumient zabaraniaje vykarystoŭvać sacyjalnyja sietki dla arhanizacyi niesankcyjanavanych akcyj i raspaŭsiudžvać dadzienyja ab ich praviadzieńni, a taksama rassyłać spam.

Kalehi Miłonava pa frakcyi adchryścilisia ad jaho prapanovy. A pres-sakratar prezidenta Rasii Dźmitryj Piaskoŭ zajaviŭ, što pałažeńni zakonaprajekta małarealistyčnyja:

«Nie bačyli sutnaść hetaha zakonaprajekta i tolki čytajem u ŚMI pra tyja pałažeńni, jakija, mahčyma, u im utrymlivajucca. Naŭrad ci tut [Kramlu] treba zajmać niejkuju pazicyju».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?