Hramadzianin Uźbiekistana Rachmat Akiłaŭ, padazravany ŭ ździajśnieńni teraktu ŭ Stakholmie, pryznaŭ svaju vinu ŭ sudzie, pieradaje Associated Press.

Jak raspavioŭ advakat Akiłava Juchan Eryksan BBC, jaho padabaronny pryznaje, što paniasie pakarańnie za hety ŭčynak.

U aŭtorak, 11 krasavika, u Stakholmie prachodziła pasiadžeńnie suda, dzie abirałasia miera strymańnia Akiłava. Pasiadžeńnie prajšło za začynienymi dźviaryma, pry pavyšanych mierach biaśpieki, adznačaje BBC.

7 krasavika mužčyna skraŭ hruzavik i najechaŭ na natoŭp ludziej na ažyŭlenaj piešachodnaj vulicy Drottninhhatan u centry Stakholma. Palicyja paviedamlała pra 15 paciarpiełych i čaćviarych zahinuŭšych.

Raniej ŚMI pisali, što pa spravie ab terakcie byŭ zatrymany jašče adzin padazravany, jaho imia nie paviedamlajecca.

Pavodle infarmacyi Aftonbladet, paśla zatrymańnia Akiłaŭ zajaviŭ ab tym, što dziejničaŭ pa ŭkazie terarystaŭ ź Siryi i źjaŭlajecca prychilnikam terarystyčnaj arhanizacyi «Isłamskaja dziaržava».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?