11 krasavika padčas pres-kanfierencyi ŭ Mitrapalitalnaj kuryi ŭ Minsku Mitrapalit Tadevuš Kandrusievič vykazaŭ niepakoj adnosna situacyi vakoł Dekreta №3 «Ab papiaredžańni sacyjalnaha ŭtrymanstva» ŭ Biełarusi i zaklikaŭ da cyvilizavanych mietadaŭ vyrašeńnia hetaj prablemy.

Pra demanstracyi i nastupstvy publičnych pratestaŭ suprać dekretu pra tak zvanych «darmajedaŭ» katalicki ijerarch daviedaŭsia padčas viartańnia z ZŠA, prahladajučy naviny ŭ internecie.

«Mnie stała horka za krainu i ja vyrašyŭ źviarnucca sa svaim zaklikam da ŭsich bakoŭ», — uzhadaŭ Mitrapalit.

«Z usich bakoŭ pavinny być cyvilizavanyja mietady vyrašeńnia prablem, — nahadaŭ arcybiskup Kandrusievič. — Treba siadać za stoł pieramoŭ. Ja i siońnia da hetaha zaklikaju. Bo tolki za stałom pieramoŭ usich zacikaŭlenych bakoŭ jość šans vyrašyć hetuju prablemu. Dziakuju Bohu, što ŭłady taksama zaŭvažajuć heta. Zaŭvažajuć, što Dekret №3 ab «darmajedach» patrabuje pravak».

Staršynia katalickaha jepiskapatu ŭ Biełarusi padkreśliŭ, što ŭ vyrašeńni dadzienaj prablemy moža dapamahčy mižnarodnaja praktyka. «Usim viadoma, što treba płacić padatki. Adnak, mahčyma, treba vyvučać i mižnarodnuju praktyku. U nas adnolkavy padatak dla ŭsich — dla biednych i dla bahatych. A nakolki ja viedaju, u mnohich krainach śvietu jość dyfierencyjacyja: bahatyja płaciać bolš, čym biednyja», — dadaŭ ijerarch.

«Isnuje prablema, jak usich zabiaśpiečyć pracaj. Byŭ zahad, kab da 1 maja ŭsie pracaŭładkavalisia. Ci zdolejuć usie znajści pracu? — praciahvaŭ Mitrapalit Kandrusievič. — Da hetaha pytańnia treba padychodzić vielmi surjozna, bo zakranajucca losy ludziej. Chaciełasia b, kab u Biełarusi panavaŭ supakoj. I da hetaha ja zaklikaju ŭsie baki i napiaredadni čarnobylskaha dnia, i abvieščanych novych demanstracyj».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?