Zarobak u 1 tysiaču rubloŭ — heta toj minimum, jaki dziaržava pavinna dapamahčy ludziam zarabić. Ab hetym Alaksandr Łukašenka zajaviŭ siońnia ŭ čas razmovy z pracoŭnym kalektyvam AAT «Rečycadreŭ».

«1 tysiača rubloŭ — heta toj minimum, jaki my pavinny dapamahčy ludziam zarabić. A dalej varušyciesia sami. Viadoma, my budziem padšturchoŭvać — i kiraŭniki, i ŭrad. Ale hety barjer, jaki ŭ nas kaliści byŭ, treba adnavić», - skazaŭ Alaksandr Łukašenka.

Asobna kiraŭnik dziaržavy zakranuŭ pytańni pracaŭładkavańnia. U pryvatnaści, u Rečycy naličvajecca niekalki sotniaŭ biespracoŭnych - mienš za 1% ad pracazdolnych hramadzian. «Ale i im treba prapanavać pracu pa kvalifikacyi. Šmat chto choča pracavać, vialikija hrošy mieć, a ŭ škole navat dvojki nie atrymlivali. Žyćcio źmianiłasia. Vy možacie krytykavać mianie jak zaŭhodna. Buduć u vas inšyja prezidenty, i, kali jany zachočuć ŭtrymać krainu, buduć pravodzić takuju ž palityku. Nie možam my sabie dazvolić, kali ŭ krainie 350 tysiač, jak jany nazyvajuć siabie — «darmajedaŭ», ničoha nie robiać. Heta chiba narmalna?» — zadaŭ rytaryčnaje pytańnie jon.

Pavodle jaho słoŭ, siarod hetych ludziej — vialikaja kolkaść patencyjnych pravaparušalnikaŭ, jakija hatovyja pajści na złačynstva, kab zdabyć srodki na pražyvańnie.

Alaksandr Łukašenka zaŭvažyŭ, što nie suprać krytyki, adnak pierš hramadzianam treba padumać ab budučyni krainy.

«Krytykavać — krytykujcie, tolki padumajcie, da čaho my idziem. Kožny siońnia pavinien pracavać, — pierakanany jon. - Čas niaprosty, ale my ŭžo bačym śviatło ŭ kancy tunelu».

Łukašenka taksama zakranuŭ temu cenaŭtvareńnia. Pavodle jaho słoŭ, dziaržava vyrašyć pytańni zavyšanych cen. «Va ŭradzie ŭžo pačali varušycca. Rynačniki tam źjavilisia: adpuścili ceny na ŭsio, što papała, i atrymali ich rost», — skazaŭ Alaksandr Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?