Prykładna ŭ hadzinu nočy 8 krasavika supracoŭniki DAI Žytkavickaha RAUS źviarnuli ŭvahu na aŭtamabil «BMV» z rasijskimi numarami, jaki ruchaŭsia z boku kramy «Sadko» la vioski Kolna Žytkavickaha rajona. Milicyjanty vyrašyli pravieryć dakumienty ŭ kiroŭcy, a zaadno i jaho fizičny stan. Ale na sihnał daišnika mužčyna na «BMV» nie adreahavaŭ i, rezka pavialičyŭšy chutkaść, pačaŭ chavacca.

Pačaŭsia pieraśled aŭto z uklučanymi probliskavymi majačkami i hukavoj sihnalizacyjaj. Pieryjadyčna praz hukaŭzmacnialnik kiroŭcu aŭtamabila «BMV» prasili spynicca. Ale jon na papiaredžańni supracoŭnikaŭ DAI nie reahavaŭ. Tady daišniki papiaredzili kiroŭcu, što budzie vykarystana tabielnaja zbroja. Zrešty, kiroŭca inšamarki i nie źbiraŭsia spyniacca. Kala KSUP «Kolenskaje» aŭtamabil «BMV» raźviarnuŭsia i pajechaŭ u kirunku Kolenskaha doma kultury, dzie ŭ hety čas prachodziła dyskateka.

Viedajučy pra toje, što kala centra znachodziacca niekalki ekipažaŭ supracoŭnikaŭ milicyi, inśpiektary DAI pa radyjostancyi paprasili ab dapamozie.

Aŭto na vialikaj chutkaści nabližałasia da centra kultury. Uvieś hety čas supracoŭniki DAI ruchalisia za im. Razumiejučy toj fakt, što kali kiroŭca prarviecca da centra, to mohuć paciarpieć ludzi, supracoŭniki milicyi, jakija paśpiašalisia na dapamohu, pierakryli darohu słužbovymi aŭtamabilami i zrabili niekalki strełaŭ z tabielnaj zbroi. Ale kiroŭca inšamarki i nie dumaŭ spyniacca.

Sprabujučy vykrucicca z «błakady», načny chulihan pačaŭ ruchacca ŭ bok supracoŭnika, sprabujučy źbić jaho z noh. Ale milicyjantu ŭ apošniuju chvilinu ŭdałosia uchilicca.

U hetuju chvilinu ŭžo supracoŭnik DAI pryniaŭ rašeńnie vykarystać zbroju. Jon streliŭ u koła, adnak kiroŭca sprabavaŭ usio ž jechać dalej. Kab spynić lichača, supracoŭniki milicyi raźbili łabavoje škło. Tolki paśla hetaha aŭtamabil spyniŭsia. 

Jak paźniej vyśvietliłasia, zatrymanym akazaŭsia 20-hadovy žychar h. Žytkavičy, jaki za 2 hady pryciahvaŭsia za parušeńnie Praviłaŭ darožnaha ruchu 43 razy, i što samaje cikavaje, byŭ pazbaŭleny prava kiravańnia za pieravyšeńnie chutkasnaha režymu, a jakraz 8 krasavika termin pazbaŭleńnia minuŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?