Taryfy na pasłuhi dostupu ŭ internet da kanca hoda pavyšać nie płanujecca. Pra heta paviedamiŭ siońnia žurnalistam hienieralny dyrektar RUP «Biełtelekam» Siarhiej Sivadziedaŭ, pieradaje BIEŁTA.

«Da kanca hoda pavyšeńnia čakać nie varta. Dumaju, nie tolki ŭ nas, ale i ŭ mabilnych apierataraŭ, — padkreśliŭ jon. — Siońnia taryfy na internet akuplajucca. Ni adzin z apierataraŭ, jakija pradastaŭlajuć pasłuhi dostupu ŭ internet, nie moža skazać, što hetyja pasłuhi nie akuplajucca».

U toj ža čas, pavodle słoŭ Siarhieja Sivadziedava, rentabielnaść hetaj pasłuhi pastajanna źnižajecca. U pieršuju čarhu heta źviazana ź imklivym rostam źniešniaha trafika. Kali ŭ žniŭni 2016 hoda nahruzka źniešniaha šluza skłała kala 350 Hbit/s, to ŭ śniežni — užo 750 Hbit/s, heta značyć uzrasła bolš jak u dva razy.

«Klijent siońnia choča mieć skoraść u razy vyšejšuju za tuju ž canu. A pašyreńnie źniešniaha šluza — heta zatraty valuty. Tamu pierad apieratarami staić składanaja zadača — raźvićcio svaich sietak biez pavieličeńnia taryfaŭ na internet. Našy namahańni nakiravany na maksimalnaje nabližeńnie kantentu i pramoje ŭklučeńnie z kantentatrymalnikami jak na ŭschodnim napramku, tak i na zachodnim», — rastłumačyŭ hiendyrektar «Biełtelekama».

Pavodle danych Ministerstva suviazi i infarmatyzacyi, ciapier u Biełarusi stacyjanarnym šyrokapałosnym dostupam u sietku internet karystajucca 70 pracentaŭ damašnich haspadarak. Za minuły hod siaredniaja skoraść uzrasła z 5,7 da 8,8 Mbit/s. Sumarnaja jomistaść źniešniaha kanała za piać hadoŭ pavialičana bolš jak u 16 razoŭ. U respublicy naličvajecca 6,4 młn abanientaŭ mabilnaha internetu. Za siem hadoŭ ich kolkaść uzrasła ŭ siem razoŭ.

Клас
Панылы сорам
Ха-ха
Ого
Сумна
Абуральна