Biełaruś zacikaŭlena ŭ prytoku zamiežnych turystaŭ i budzie pradaŭžać pracavać dla ich pryciahnieńnia. Pra heta zajaviŭ Alaksandr Łukašenka ŭ čas sustrečy z pracoŭnym kalektyvam AAT «Rečycadreŭ», pieradaje BIEŁTA.

Rabotniki pradpryjemstva pacikavilisia mierkavańniem kiraŭnika dziaržavy adnosna efiektyŭnaści ŭviadzieńnia piacidzionnaha biaźvizavaha režymu dla hramadzian 80 krain, a taksama krokaŭ u adkaz u suviazi z hetym ad inšych dziaržaŭ.

«Heta pastajannaja zadača ministra zamiežnych spraŭ i hetaha viedamstva, kab biełarusy mieli mahčymaść pryjazdžać u tyja krainy, jakija nas cikaviać, asabliva susiednija. Va Ukrainu, Rasiju, Kazachstan my jeździm biez prablem. Jość Jeŭropa, Šenhien — jany sprabujuć siabie abaranić. My i ź imi starajemsia damovicca, viadziom pierahavory i ŭ płanie turyzmu», — kanstatavaŭ Łukašenka.

Jon rastłumačyŭ, što novaŭviadzieńni ź piacidzionnym biaźvizavym režymam ujezdu ŭ Biełaruś źviazany z žadańniem adkryć krainu śvietu. Nieabchodna, kab jak maha bolš zamiežnych haściej pryjazdžali, a značyć, pryvozili ŭ dziaržavu valutu.

Клас
Панылы сорам
Ха-ха
Ого
Сумна
Абуральна