Pravaachoŭniki Brestčyny zatrymali dvuch hramadzian RF, jakija padazrajucca ŭ sieryi kradziažoŭ na terytoryi Biełarusi

20 krasavika ŭ 19.00 u Maskoŭski RAUS Bresta źviarnułasia farmaceŭt apteki № 48 RUP «Farmacyja». Dziaŭčyna paviedamiła, što kala 18.20 nieviadomy, znachodziačysia ŭ pamiaškańni nazvanaj apteki, z kasavaha aparata vykraŭ hrašovuju vyručku ŭ pamiery 725 rubloŭ.

Na nastupny dzień, 21 krasavika, u milicyju Pieršamajskaha rajona Babrujska pastupiła paviedamleńnie ad farmaceŭta TAA «Aptečnaje sprava», u jakim žančyna zajaviła, što z 17.30 da 17.40 z nazvanaj apteki vykradziena kala 345 rubloŭ.

Śledčyja vykarystali zapisy kamier videanazirańnia.

Vyśvietliłasia, što i ŭ Breście, i ŭ Babrujsku ŭ aptekach «papracavali» adny i tyja ž asoby.

«Paśla praviedzienych nieabchodnych apieratyŭna-vyšukovych mierapryjemstvaŭ asoby padazravanych byli ŭstanoŭleny. Apieratyŭniki vyśvietlili, što pa krainie jany pierasoŭvajucca na arandavanym aŭtatransparcie i ŭ bližejšy čas majuć namier vybyć ŭ Vilniu», - paviedamlaje pres-słužba RAUS Bresta.

Supracoŭnikami kryminalnaha vyšuku Brestčyny sumiesna z kalehami ź Minska padazravanyja ŭ kradziažach byli zatrymanyja ŭ stalicy Biełarusi.

Padazravanyja — hramadzianie Rasijskaj Fiederacyi 1987 i 1983 hadoŭ naradžeńnia. Na momant zatrymańnia adzin ź ich znachodziŭsia ŭ miždziaržaŭnym vyšuku za ździajśnieńnie anałahičnych złačynstvaŭ na terytoryi Rasii.

Ciapier mužčyny znachodziacca ŭ IČU Leninskaha RAUS Bresta, viaśviatlajecca ich dačynieńnie da padobnych kradziažoŭ u inšych haradach Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?