Pozna ŭviečary 1 maja na volu ź izalatara na Akreścina vyjšaŭ kuratar hrafici-supołki «Sihnał», art-mieniedžar Aleh Łaryčaŭ. Jon adbyŭ piacisutkavy aryšt za drobnaje chulihanstva. «Naša Niva» pahutaryła z Łaryčavym ab źniavoleńni i pryčynach.

Aleh Łaryčaŭ. Fota Siarhieja Hudzilina.

Aleh Łaryčaŭ. Fota Siarhieja Hudzilina.

«Jašče ŭ pastarunku mnie namiaknuli, što buduć sutki. Tam zahadzia byli padrychtavanyja dakumienty na IČU. Usim pierad sudom rečy addavali, mnie nie addavali. Paśla pieršaha dnia suda mianie nie adpuścili. Načalnik RUUS skazaŭ: «Na Akreścina jaho!»

Mianie pasadzili ŭ tak zvanuju «štrafnuju» kamieru. Heta takaja kamiera, kudy vodziać inšych viaźniaŭ, kab pałochać za praviny. Sa mnoj siadzieli dva śmiardziučyja nieadekvatnyja bamžy, a taksama jašče niekalki paŭbamžoŭ. U kamiery na čaćviarych nas było siamiora čałaviek, troje spali na padłozie. Mnie, praŭda, adzinamu dali matrac i koŭdru. Astatnija spali prosta na žalezie. U hetuju kamieru sadzili tolki za praviny. U astatnim na samich sutkach było ŭsio standartna.

Pierad tym, jak mianie zavieźli adsiedžvać astatnija troje sutak, na Akreścina z revizijaj była delehacyja ź Ministerstva ŭnutranych spravaŭ. Moža, jany niešta i šapnuli, kab u jakuju kamieru mianie pasadzili.

Kali pasadzili ŭ hetuju kamieru, to ja pierakanaŭsia, što heta źviazana sa «ścianoj Ščotkinaj». Mnie tut učora pieradali, što Miaśnikovič skazaŭ, što hrafici jaho kryŭdziać. Chodziać čutki, što Šunievič pakryŭdziŭsia taksama.

U hetych akcyjach hałoŭnaje — raspaŭsiud infarmacyi. Tamu ŭłady i šalejuć, što infarmacyja razychodzicca šyroka ź internetu. Taksama heta demanstracyja taho, jak vielmi prostymi instrumientami kožny čałaviek moža zrabić akcyju, jakaja razyjdziecca.

Plus da ŭsiaho, tak nikoha i nie zatrymali za heta. I nie mohuć zatrymać. Tamu i idzie takaja podłaja pomsta za raspaŭsiud infarmacyi, za raskrutku instrumientaŭ, jakija dazvalajuć kožnamu čałavieku danieści svoj mesedž.

Nastroj u mianie ciapier narmalny, bajavy».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?