Alaksandr Łukašenka padtrymaŭ prapanovu pryraŭniać elektronnyja cyharety da tytuniovych vyrabaŭ pa abarocie i umovach kureńnia.

Pra heta paviedamiła siońnia žurnalistam načalnik upraŭleńnia arhanizacyi handlu i pasłuh Ministerstva antymanapolnaha rehulavańnia i handlu (MARH) Vijaleta Brazoŭskaja pa vynikach narady ŭ kiraŭnika dziaržavy ab udaskanaleńni pravavoha rehulavańnia ŭ asobnych śfierach ekanamičnaj dziejnaści.

Na naradzie razhladaŭsia prajekt dekreta ab dziaržaŭnym rehulavańni abarotu tytuniovych vyrabaŭ i elektronnych sistem kureńnia. Uličvajučy, što jany blizkija pa sposabie spažyvańnia, akazvanym efiekcie, prapanujecca prymianiać da ich adnolkavyja miery dziaržrehulavańnia.

«Asnoŭnaja navacyja u tym, što my pryraŭnoŭvajem da abarotu i umovaŭ kureńnia tytuniovych vyrabaŭ elektronnyja sistemy kureńnia i vadkaści dla ich, — patłumačyła Vijaleta Brazoŭskaja. — U ciapierašni čas u našaj krainie hetaje pytańnie nie ŭrehulavanaje. My bačym, što elektronnyja sistemy kureńnia nabirajuć papularnaść, tamu było pryniata rašeńnie raspaŭsiudzić abmiežavańni i normy, jakija dziejničajuć u dačynieńni da tytuniovych vyrabaŭ, i na elektronnyja sistemy kureńnia».

Płanujecca zabaranić rekłamu elektronnych sistem kureńnia i ich prodaž niepaŭnaletnim. Taksama buduć vyznačany miescy, dzie možna realizoŭvać dadzienyja pryłady.

Z 2021 hoda chočuć zabaranić vykarystańnie nadkasavaha abstalavańnia dla zachoŭvańnia i prodažu tytuniovych vyrabaŭ. «My takim čynam prybirajem hetuju tavarnuju pazicyju z kas, kab dzieci, jakija nabyvajuć inšyja tavary, nie bačyli vyjavy i pački tytuniovych vyrabaŭ», - patłumačyła načalnik upraŭleńnia.

U ministerstvie ličać metazhodnym zabaranić kureńnie na plažach, u liftach i aŭtamabilach u prysutnaści dziaciej da 14 hadoŭ.

Łukašenka daručyŭ dapracavać hetyja normy z ulikam hramadskaj dumki, a taksama praduhledzieć efiektyŭnyja miechanizmy kantrolu za vykanańniem zakanadaŭstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?