Situacyja sa schiłami Zamkavaj hary ŭ Navahrudku znachodzicca pad štodzionnym kantrolem, paviedamili BIEŁTA ŭ Navahrudskim rajvykankamie.

fota Taćciany Caruk

U kancy krasavika z adnaho z schiłaŭ hory absypaŭsia hrunt. «Infarmacyja pra toje, što heta apoŭzień, nie adpaviadaje rečaisnaści, — adznačyli ŭ rajvykankamie. — Na adnym sa schiłaŭ adbyŭsia razryŭ hruntu. Z tych časoŭ situacyja nie pahoršyłasia. Viaducca płanavyja raboty». Padobny razryŭ byŭ zafiksavany ŭ 2013 hodzie, ale ź inšaha boku hary. Źviazana heta z krynicami, jakija padmyvajuć schiły, rastłumačyli ŭ rajvykankamie i padkreślili, što ŭ ciapierašni čas «pahrozy Kaścielnaj viežy niama».

U hałoŭnym upraŭleńni ideałahičnaj raboty, kultury i pa spravach moładzi Hrodzienskaha abłvykankama paviedamili, što ŭ kancy krasavika pa hetaj nahody hubiernatar Uładzimir Kraŭcoŭ pravioŭ ekstrannuju naradu. Va UPP «Instytut «Hrodnahramadzianprajekt» užo raspracavany prajekt pa ŭmacavańni hary. Prajektna-kaštarysnaja dakumientacyja ŭ ciapierašni čas prachodzić ekśpiertyzu.

Jak raspavioŭ hałoŭny inžynier instytuta «Hrodnahramadzianprajekt» Ryšard Kacyniel, budzie praviedzienaja surjoznaja praca pa ŭmacavańni schiłu z naładžvańniem drenažnaj sistemy. Usia vada z hary budzie sabranaja i adviedzienaja, što całkam likviduje mahčymaść źjaŭleńnia apoŭźnievych źjaŭ. Raboty zapłanavanyja na 2017 hod, na ich praviadzieńnie vydzielenaje finansavańnie.

Клас
0
Панылы сорам
0
Ха-ха
0
Ого
0
Сумна
0
Абуральна
0