Maštabnaje 3D-šoŭ ŭpieršyniu projdzie ŭ Minsku ŭ Dzień Pieramohi. Pra heta paviedamiła na pres-kanfierencyi pieršy namieśnik ministra kultury Biełarusi Iryna Dryha, pieradaje BIEŁTA.

«Uviečary 9 maja projdzie śviatočny kancert teleprajekta «Płošča Pieramohi — 2017». U kancertnaj prahramie — teatralizavanaje muzyčnaje pradstaŭleńnie i tematyčnaje 3D-šou, jakoje projdzie ŭpieršyniu ŭ Minsku na dvuch budynkach zzadu manumienta Pieramohi ŭ supravadžeńni Prezidenckaha arkiestra Respubliki Biełaruś», — adznačyła pieršy namieśnik ministra kultury.

Śviatočnyja mierapryjemstvy z nahody Dnia Pieramohi pačnucca 6 maja z ŭračystaha schodu i kancerta majstroŭ mastactvaŭ «Biełaruski vakzał» ŭ Pałacy Respubliki. Pa słovach Iryny Dryhi, heta tradycyjnaje mierapryjemstva, jakoje kožny hod Ministerstva kultury Biełarusi rychtuje tak, kab kancertnaja prahrama była cikavaja i vieteranam, i moładzi, kab usie mahli adčuć duch śviata. «Sioleta heta budzie niezvyčajnaje maštabnaje muzyčnaje teatralizavanaje pradstaŭleńnie. Tema «Biełaruski vakzał» abranaja nievypadkova — pa čyhuncy pryzyŭniki jechali na front, pa joj viartalisia dadomu. Praz vobraz čyhunki pakažuć pačatak vajny, pierałomnyja momanty i jaje pieramožnaje zaviaršeńnie, — adznačyła Dryha. — U muzyčnym pradstaŭleńni buduć hučać vieršy i pieśni vajennych hadoŭ i tvory pra vajnu sučasnych aŭtaraŭ. U kancercie zaniatyja najlepšyja biełaruskija vykanaŭcy, artysty dramatyčnych teatraŭ, tvorčyja kalektyvy Ministerstva abarony».

Ranicaj 9 maja na praśpiekcie Niezaležnaści, na prylehłych da jaho vulicach, na płoščy Pieramohi projdzie šeście pamiaci «Biełaruś pamiataje» z udziełam hramadskaści Minska, pradstaŭnikoŭ moładzievych i dziciačych arhanizacyj, hramadskich abjadnańniaŭ. Jany projduć da płoščy Pieramohi, niesučy ŭ rukach partrety hierojaŭ vajny, svaich svajakoŭ jak śviedčańnie pamiaci pra vajnu i usienarodnaj udziačnaści pakaleńniu pieramožcaŭ.

Dla vieteranaŭ na płoščy Pieramohi buduć ustanoŭlenyja trybuny, dzie jany sustrenuć šeście. Zatym da pomnika na płoščy Pieramohi buduć uskładzienyja kvietki, zavieršycca cyrymonija masavym vykanańniem pieśni «Dzień Pieramohi». Viečaram projdzie kancert teleprajekta «Płošča Pieramohi — 2017», a zavieršycca śviatkavańnie 30 załpami salutu.

Клас
0
Панылы сорам
0
Ха-ха
0
Ого
0
Сумна
0
Абуральна
0