U Biełarusi ŭkareniać šmatfunkcyjanalnyja paliŭnyja kartki dla jurydyčnych asob. Pra heta paviedamiŭ siońnia žurnalistam staršynia kancerna «Biełnaftachim» Ihar Lašenka pa vynikach narady ŭ Alaksandra Łukašenki ab udaskanaleńni pravavoha rehulavańnia ŭ asobnych śfierach ekanamičnaj dziejnaści, pieradaje BIEŁTA.

Adnym z razhladajemych pytańniaŭ staŭ prajekt ukaza «Ab paliŭnych kartkach». Samo paniaćcie «paliŭnaj kartki» ŭ Biełarusi ŭžo jurydyčna zamacavana, ale tolki ŭ vuzkaśpiecyjalizavanym aśpiekcie. Hetyja ŭstrojstvy vykarystoŭvajucca tolki dla apłaty prajezdu pa darohach.

«Narmatyŭna-pravavym aktam budzie vyznačany bolš kankretny kalidor, rehłamientujučy paradak ich vykarystańnia, a taksama ŭdzielniki rynku, jakija vypuskajuć paliŭnyja kartki. Asnoŭnyja pazicyi pryniaty», — prainfarmavaŭ žurnalistaŭ Ihar Lašenka.

U pryvatnaści, prajekt ukaza praduhledžvaje ŭkaranieńnie paliŭnych kartak nie tolki dla apłaty prajezdu pa darohach, ale i dla zapraŭki transpartnych srodkaŭ palivam, nabyćcia roznych spadarožnych tavaraŭ i pasłuh. «Heta datyčycca, viadoma, jurydyčnych asob», — rastłumačyŭ staršynia kancerna.

Ihar Lašenka ŭdakładniŭ, što roznyja arhanizacyi ŭ Biełarusi z 1997 hoda vykarystoŭvajuć tak zvanyja čypy, z dapamohaj jakich nabyvajecca paliva na zapravačnych stancyjach. Hetyja vyraby taksama adniasuć da paliŭnych kartak.

Łukašenka daručyŭ dapracavać prajekt ukaza ŭ častcy abarony pravoŭ spažyŭcoŭ. Na jaho dumku, nieabchodna stvaryć vyčarpalny pieralik arhanizacyj, jakija buduć vypuskać hetyja ŭstrojstvy, a sam hety praces zrabić absalutna prazrystym, prystasavaŭšy jaho da rynačnych umoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0