1 maja na šyldzie i dźviarach centralnaha ofisa BNF ŭ Minsku źjavilisia nadpisy prarasijskaha šavinistyčnaha źmiestu, paviedamlaje sajt arhanizacyi.

Kamiery videanazirańnia, raźmieščanyja ŭ dvary pa vuł. Čarnyšeŭskaha, dzie raźmiaščajecca siadziba BNF, tvary vandałaŭ nie zafiksavali.

Zdareńnie prakamientavaŭ staršynia Partyi BNF Alaksiej Janukievič.

«Źjaŭleńnie prarasijskich ekstremisckich hrafici na budynku, dzie raźmiaščajecca siadziba BNF — tryvožny sihnał. Toje, što na minułym tydni byŭ ździejśnieny anałahičny napad na ofis Tavarystva biełaruskaj movy, śviedčyć, što heta nie adzinkavy vypadkovy akt vandalizmu, a śviadoma spłanavanaja akcyja, arhanizavanaja suprać biełaruskich abjadnańniaŭ prarasijskimi šavinistami, što ŭ apošni čas aktyvizavalisia ŭ Minsku. Takim čynam, heta nie chulihanskija dziejańni, a naŭmysnaje prajava ekstremizmu z boku varožych Biełarusi struktur. Prykra i niebiaśpiečna dla dziaržavy, kali našy pravaachoŭnyja orhany zajmajucca palityčnym pieraśledam biełaruskich patryjotaŭ zamiest taho, kab vyjaŭlać sapraŭdy niebiaśpiečnyja vyłazki antybiełaruskich sił, paturajučy ekstremizmu.

My budziem reahavać na hetyja vychadki ŭ adpaviednaści z zakonam. Nahadaju, što arhanizatary minułaj kampanii anałahičnych napadaŭ na TBM i BNF, jakaja była ŭ 2012 hodzie, byli vyjaŭlenyja i pakaranyja — kiraŭnik hrupoŭki tak zvanych rasijskich nacyjanał-balšavikoŭ byŭ asudžany na šeść miesiacaŭ aryštu», — skazaŭ Alaksiej Janukievič.

Na dadzieny momant nastupstvy dziejańniaŭ vandałaŭ likvidavanyja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?