Samarobny małakalibierny pistalet doma ŭ žychara stancyi Mažejeŭka Aršanskaha rajona znajšła milicyja. Taksama ŭ jaho znajšli 9 patronaŭ.

Pistalet aryhinalnaj kanstrukcyi zrobleny z suka dreva, da jakoha skotčam prykručanyja patrońnik i stvoł ź mietaličnaj trubki. Jak vyśvietliła ekśpiertyza, zbroja maje stvoł biez narezaŭ kalibra 5,6 mm i prydatnaja dla stralby adzinkavymi strełami.

Siem ź dzieviaci patronaŭ taksama samarobnyja, vyrablenyja z vykarystańniem zavodskich hilzaŭ i kapsulaŭ. Niekatoryja ź ich prydatnyja dla stralby i źjaŭlajucca bojeprypasami da hładkastvolnaj palaŭničaj strelby 16 kalibra, paviedamlaje pres-słužba Dziaržaŭnaha kamiteta sudovych ekśpiertyz.

Jašče dva patrony, jak vyśvietlili ekśpierty, źjaŭlajucca 5,6 × 15,6 mm małakalibiernymi patronami kalcavoha ŭzharańnia zavadskoj vytvorčaści i pryznačany dla stralby pa mišeniach padčas trenirovak i spabornictvaŭ pa strałkovym sporcie i bijatłonie.

Na padstavie zaklučeńnia balistyčnaj ekśpiertyzy Aršanskim MOSK była ŭzbudžanaja kryminalnaja sprava pa častcy 2 artykuła 295 KK (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?