Jak stała viadoma, mužčyna adpraviŭsia na adpačynak u Jehipiet razam z žonkaj i dziciem. Užo ŭ samalocie jon užyŭ vialikuju kolkaść śpirtnych napojaŭ i pa prybyćci ŭ hatel zładziŭ žoncy skandał, u vyniku jakoha ŭdaryŭ žančynu, a taksama pabiŭ vokny ŭ hateli. Zatym jaho dastavili ŭ adździaleńnie palicyi.

Adnak na hetym incydent nie byŭ vyčarpany. Viarnuŭšysia z pastarunku ŭ hatel, mužčyna ŭvarvaŭsia ŭ restaran, schapiŭ mietaličnyja rašotki dla hrylu i paraniŭ imi siabie. Biełarusa adpravili ŭ balnicu.

«Vypadak, mabyć, nie samy prosty, nie bytavy. Takija chulihanskija prajavy nia sychodziać z ruk ni ŭ nas u Biełarusi, ni na adpačynku ŭ dalokich ekzatyčnych krainach», - zajaviŭ aficyjny pradstaŭnik MZS Biełarusi Dźmitryj Mirončyk u viačernim efiry telekanała ANT.

U MZS adznačyli, što zakanadaŭstva Jehipta stroha padychodzić da padobnych vypadkaŭ. Vidavočna, što mužčynu daviadziecca kampiensavać hatelu naniesienuju škodu, na jaho buduć nakładzienyja administracyjnyja miery spahnańnia. Akramia taho, vysokaja vierahodnaść, što jon budzie ŭklučany ŭ śpisy asob, ujezd jakich u Jehipiet niepažadany.

«Treba pamiatać, što i tut, i tam nieabchodna vykonvać zakony, a ŭ krainach, dzie vyznajecca isłam, jašče nieabchodna pamiatać pra toje, što metazhodna nie spažyvać ałkahol», - dadaŭ Dźmitryj Mirončyk.

Ministerstva zamiežnych spraŭ našaj krainy padtrymlivaje kantakt z uładami Jehipta. Ciapier mužčyna znachodzicca ŭ miascovaj palicyi. Jon čakaje departacyi. Taksama ŭdakładniajecca, jakim čynam biełarus-debašyr i jaho siamja zmohuć viarnucca dadomu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?