Terarystyčnaja arhanizacyja «Isłamskaja dziaržava» raspaŭsiudziła videazapis pakarańnia «rasijskaha pałkoŭnika», zachoplenaha ŭ Siryi. Pra heta paviedamlaje SITE Intelligence Group, jakaja zajmajecca manitorynham publikacyj na isłamisckich sajtach.
Na videa, ahučanym na ruskaj movie, ID abviaščaje pra paśpiachovuju baraćbu z rasijskimi vojskami, a taksama pahražaje Rasii i prezidentu Uładzimiru Pucinu novymi teraktami.
Na adnym z frahmientaŭ zapisu pakazany mužčyna, apranuty ŭ kambiniezon, jaki zaklikaje inšych «ahientaŭ rasijskich śpiecsłužbaŭ» zdacca, paviedamlaje Reuters. Zatym na videazapisie pakazana, jak bajavik pierarazaje jamu horła. U zakadravym tekście śćviardžajecca, što pakarany — «pałkoŭnik Jaŭhien Piatrenka».
Paćvierdzić sapraŭdnaść videazapisu i asobu zabitaha, adznačaje Reuters, nie pradstaŭlajecca mahčymym.
Minabarony RF i inšyja rasijskija viedamstvy pakul zapis z pakarańniem śmierciu «rasijskaha pałkoŭnika» nie prakamientavali.
U vieraśni 2016 hoda ID abviaščała ab pałonie Jaŭhiena Piatrenki, jaki na raspaŭsiudžanym terarystami videazapisie nazyvaŭ siabie pazaštatnym supracoŭnikam 2-ha apieratyŭnaha adździeła FSB Rasii pa Maskvie ŭ zvańni kapitana.
