Alaksandr Łukašenka zajaviŭ siońnia žurnalistam, što paśla čempijanatu śvietu pa chakiei praanalizuje stanovišča spraŭ u hetym vidzie sportu, piša BiełTA.
president.gov.by
«Situacyja ŭ chakiei nastolki nieadekvatnaja, što paśla čempijanatu śvietu (my ŭžo damovilisia z trenierami, spartoŭcami) źbiaremsia i budziem dumać, što rabić, - skazaŭ Alaksandr Łukašenka. - U chakiei pravał, u futbole pravał, u bijatłonie, dzie my zaŭsiody byli naviersie, — pravał. Hetaha dapuścić my nie možam. Nichto nie skaža, što my kamuści niedapłacili ci nie prafinansavali.
Napeŭna, prosta zažralisia ŭ niekatorych vidach sportu. Tamu adrehulujem».
«My razumiejem, što hrali z favarytami, ale ž i jany nie supiervialikija. Jak možna było prapuścić z «piataka» treciuju šajbu ad finaŭ? - zadaŭ rytaryčnaje pytańnie Łukašenka, kamientujučy vystupleńnie chakieistaŭ na ČS. — Adsutnaść dyscypliny, skočvańnie na indyvidualnuju hulniu, jakoj nie vałodaje nivodny naš chakieist. U chakiej hulać nie ŭmiejuć. Nie, jany jašče ŭ svajoj zonie la bramy kruciać hetuju šajbu, hublajuć i atrymlivajuć hały».
«A jak jany z kanadcami zhulali? Heta ŭvohule stydobišča. Lepš było b nie vychodzić. Čaho vyjšli, kali nohi padkošvajucca, biehčy nie mohuć, kidać pa bramie nie mohuć», - adznačyŭ Alaksandr Łukašenka.
Kiraŭnik dziaržavy ličyć, što navat kali hulaješ z favarytam, to treba zmahacca da kanca, choć by za ačko. «Pahladzicie, jak zhulali francuzy, prosta małajcy: jany źmiali finaŭ» [vyjhrali 5:1] — kanstatavaŭ jon.
«Pahladzim, što budzie dalej. Zrobiać vysnovy, pačnuć hulać - budziem heta prymać. Nie - značyć, my z hetym mirycca nie budziem, - padkreśliŭ jon. - Ja čamu tak vostra reahuju? Nie tamu što spartsmien i zajmajusia sportam ŭsio žyćcio.
A tamu što sport - heta najvialikšaja ideałohija. Kali rasijanie vyjhrali ŭ niemcaŭ napiaredadni 9 Maja, heta ŭžo niejkija palityčnyja asacyjacyi.
Rasiejcy ducham akryjali, a nam jakija padarunki padajuć našy dziejačy? Hladziać miljony ludziej, pieražyvajuć, a ŭ ich takoje staŭleńnie».
***
Nahadajem, što biełarusy na čempijanacie śvietu pa chakiei paciarpieli try parazy ŭ troch matčach, u tym liku ad Čechii 1:6 i Kanady 0:6. U sieradu — hulnia sa Šviejcaryjaj, u piatnicu — z Francyjaj.
Taksama biełarusy zhulajuć sa Słavienijaj i Narviehijaj.
