Aktyvisty prarasijskaha «Nacionalno-osvoboditielnoho dvižienija» byli zaŭvažanyja 9 maja na płoščy Pieramohi ŭ Minsku. Jany paziravali z rasijskim trykałoram z vyjavaj dźviuchhałovaha arła ŭ impierskaj karonie.
Ruch viadomy svajoj prarasijskaj pazicyjaj i padtrymkaj sieparatystaŭ Danbasa. A taksama — časam daviedzienymi da absurdu pohladami. Naprykład, jaho kiraŭnik Uładzimir Ryžankoŭ ličyć, što biełaruskuju kanstytucyju napisali ŭ ZŠA, a 80% našych čynoŭnikaŭ pracujuć na Amieryku.
Alaksiej Hałavin (na fota źleva, u kamuflažy biez znakaŭ adroźnieńnia) padčas razhonu sioletniaj akcyi na Dzień Voli trahikamična trapiŭ na sutki razam z demanstrantami.