Atrady dobraachvotnikaŭ i palicejskich šukajuć piaciorku lvoŭ, jakija ŭciakli z zakaźnika ŭ Paŭdniovaj Afrycy, pieradajuć infarmahienctvy.
Dla ich pošukaŭ zadziejničana jak naziemnaja, tak i pavietranaja technika. Incydent adbyŭsia ŭ nacyjanalnym parku Kruhiera. Drapiežniki, nieviadomym pakul čynam, vyrvalisia na svabodu i adpravilisia ŭ pamiežnuju zonu pamiž PAR i Mazambikam, dzie ich bačyli pablizu aŭtazapravačnaj stancyi. Zatym jany schavalisia ŭ pasievach cukrovaha tryśniahu.
Ilvy ŭžo paśpieli zadrać karovu. Heta adbyłosia na fiermie, na značnaj adlehłaści ad miesca ich pražyvańnia. Palicyjanty zaklikajuć miascovych žycharoŭ i turystaŭ prajaŭlać pilnaść i ŭ vypadku vyjaŭleńnia lvoŭ nieadkładna paviedamić ab hetym palicyi. Jany ličać, što ciapier źviary ŭjaŭlajuć realnuju pahrozu dla ludziej.
