Vice-kancler i ministr navuki, navukovych daśledavańniaŭ i ekanomiki Aŭstryi Rajnchald Miterlenier abviaściŭ siońnia ab sychodzie sa svajoj pasady, pieradajuć infarmahienctvy.
Akramia hetaha, Rajnchald Miterlenier paviedamiŭ, što pakidaje pasadu staršyni najstarejšaj palityčnaj siły krainy — Aŭstryjskaj narodnaj partyi (ANP), jakaja razam z Sacyjał-demakratyčnaj partyjaj utvaraje kaalicyjny ŭrad.
Pa słovach palityka, ź siońniašniaha dnia jon spyniaje paŭnamoctvy kiraŭnika ANP, a paŭnamoctvy vice-kanclera i ministra ekanomiki składzie 15 maja.
Pasadu vice-kanclera Rajnchald Miterlenier zajmaje z 2014 hoda, z taho ž hoda źjaŭlajecca kiraŭnikom partyi. Ministerstva ekanomiki jon uznačaliŭ u 2008 hodzie i navat paśla jaho pieraprafilavańnia ŭ 2013 hodzie zachavaŭ svaju pasadu.
