Hrupie amierykanskich navukoŭcaŭ, jakija daśledujuć mora Rosa, udałosia sfatahrafavać typ lodu, jaki redka sustrakajecca — «drakonavaja skura». Pra heta paviedamlaje Tut.by sa spasyłkaj na sajt Instytuta marskich i antarktyčnych daśledavańniaŭ pry Univiersitecie Tasmanii.
Tut i nižej fota: Guy Williams / PIPER collaboration
«Drakonavaja skura» ŭtvarajecca pad uździejańniem katabatyčnych viatroŭ, nakiravanych uniz. Jany padymajuć krai marskoha lodu i prymušajuć ich datykacca adzin da adnaho. Takim čynam utvarajucca ryflenyja hrabiani, padobnyja da skury mifičnaj istoty.
Doktar Haj Uiljams ź instytuta marskich i antarktyčnych daśledavańniaŭ (IMAS) zaŭvažyŭ, što «drakonavaja skura» — redkaja źjava. U Antarktycy taki lod ubačyli ŭpieršyniu za dziesiać hadoŭ.
Pieršapačatkovaj metaj ekśpiedycyi było vyvučeńnie pałonki — prastory čystaj (adkrytaj) vady ŭ ledzianym pokryvie mora Rosa padčas palarnaj zimy. U ekśpiedycyi biaruć udzieł 27 navukoŭcaŭ z 8 krain śvietu, jana skončycca ŭ červieni hetaha hoda.
