Jak paviedamili «Našaj Nivie» va ŭpraŭleńni Śledčaha Kamiteta pa Mahiloŭskaj vobłaści, u dačynieńni žychara Asipovič 1967 hoda naradžeńnia zaviedzienaja kryminalnaja sprava pa artykule 340 — «Zaviedama chłuślivaje paviedamleńnie ab niebiaśpiecy».
Toj hramadzianin 1967 hoda naradžeńnia — heta, pa viersii śledstva, užo były namieśnik staršyni Asipovickaha rajvykankama Alaksandr Šaŭluha, jaki naprykancy krasavika pazvaniŭ u milicyju sa słovami, što budynak miascovaha KDB i RUUS zaminiravany.
Alaksandr Šaŭluha źleva.
Viadoma, što nijakich bombaŭ u budynkach nie znajšłosia, ale rabota viedamstvaŭ była časova paralizavana.
Navošta jon heta zrabiŭ?
«My miarkujem, što jon byŭ u stanie ałkaholnaha apjanieńnia. Ale heta nie kančatkova — viadziecca rasśledavańnie», — kažuć u pres-słužbie Śledčaha Kamiteta.
Adrazu paśla zdareńnia Šaŭluhu zvolnili z raboty — ciapier jon znachodzicca doma.
Pry sprobie žurnalista pahavaryć ź im eks-čynoŭnik kinuŭ trubku, tolki pačuŭšy, adkul telefanujuć.
U Asipovickim rajvykankamie, darečy, Šaŭluha kuryravaŭ ideałahičnuju rabotu, pracu z moładździu i ŚMI.
Ciapier jamu pahražaje da 5 hadoŭ pazbaŭleńnia voli.
