Incydent adbyŭsia ranicaj 11 maja na Partyzanskim praśpiekcie ŭ Minsku.
27-hadovy mužčyna z samaj ranicy vypivaŭ ź siabrami. Paśla vyrašyŭ sieści za styrno.
Kali jaho pasprabavaŭ spynić inśpiektar DAI, niećviarozy kiroŭca praciahnuŭ ruch, praŭda, potym usio ž spyniŭsia. Spyniŭšysia, mužčyna adčyniŭ dźviery aŭtamabila i pabieh, adnak daloka syści nie zmoh - daišnik amal adrazu dahnaŭ jaho.
U kryvi parušalnika było vyjaŭlena 1,8 pramile ałkaholu. Darečy, mužčyna, pracuje kiroŭcam na adnym z pradpryjemstvaŭ.
Jaho aŭtamabil «Opiel Viektra» zastaniecca na achoŭnaj stajancy. Samoha ž parušalnika čakaje pazbaŭleńnie vadzicielskaha paśviedčańnia terminam na try hady i štraf da 100 bazavych vieličyń.
